Жаңа Қазақстан Конституциясы - Әділетті қоғамның құқықтық негізі

Конституция – мемлекеттің құқықтық жүйесінің негізін қалайтын, азаматтардың құқықтары мен бостандықтарын айқындайтын басты заң. Қазақстан Республикасының Конституциясында адам құқықтарын қорғау, заң үстемдігін қамтамасыз ету және қоғамдағы теңдікті сақтау мәселелеріне ерекше мән берілген.
Осы тұрғыда Конституцияның 16-бабының маңызы зор. Онда «Заң мен сот алдында бәрі тең» деген негізгі қағидат бекітілген. Бұл әрбір адамның әлеуметтік жағдайына, лауазымына, ұлтына, жынысына немесе материалдық мүмкіндігіне қарамастан заң алдында тең екенін білдіреді.
Аталған бапта Қазақстан азаматтарымен қатар, елімізде тұратын немесе уақытша жүрген шетел азаматтары мен азаматтығы жоқ адамдарды да кемсітуге тыйым салынған. Яғни адамның тіліне, дініне, нәсіліне, ұлтына, тұрғылықты жеріне және өзге де ерекшеліктеріне байланысты құқықтарын шектеуге жол берілмейді.
Бұл конституциялық норма қоғамдағы бірлік пен тұрақтылықты нығайтуға, әр адамның қадір-қасиетін құрметтеуге бағытталған. Сонымен қатар мемлекеттік органдар мен сот жүйесінің әділ әрі заңға сәйкес жұмыс істеуіне негіз болады.
Конституция – Қазақстанның құқықтық дамуының маңызды негізі. Ал оның 16-бабында бекітілген теңдік қағидаты әрбір адамның құқығын құрметтеуге, кемсітушілікті болдырмауға және әділетті қоғам қалыптастыруға бағытталған. Конституцияның басты құндылығы – адам, оның құқықтары мен бостандықтары.