Абай облысында діни бірлестіктер басшылары Клубының кезекті отырысы өтті
Шараға Абай облысы ішкі саясат басқармасының басшысы А. Садырбаев, Дін істері басқармасы басшысының м.а. С. Ысқақов пен дін өкілдері қатысты,-деп хабарлайды abaidan.kz тілшісі Абай облыстық өңірлік коммуникациялар қызметіне сілтеме жасап.
Жиын барысында діни бірлестіктер басшылары Клубының 2023 жылы атқарған жұмысына қорытынды жасалып, жаңадан Дін істері басқармасының құрылуына байланысты Ішкі саясат басқармасының кейбір функцияларын беру бойынша мәлімдеме жасалды.
Сондай-ақ, Клубтың жұмысына белсенді ат салысқан барлық діни бірлестік басшыларына алғыс хат табыс етілді.
