Тәуелсіздік тағылымы: Семейде Қайрат Рысқұлбеков рухына құрмет көрсетілді
16 желтоқсан – Қазақстан Республикасының Тәуелсіздік күніне орай Семей қаласында тағылымды шара өтті. Қала тұрғындары мен қонақтары Халық Қаһарманы, Желтоқсан көтерілісінің батыры Қайрат Рысқұлбековтің ескерткішіне гүл қойып, рухына тағзым етті. Еске алу шарасына Абай облысы әкімінің орынбасары Марат Раханов, облыстық мәслихат төрағасы Шәріп Байбеков, 1986 жылғы Желтоқсан көтерілісіне қатысушылар, зиялы қауым өкілдері, жастар және қала тұрғындары қатысты.
Жиын барысында Тәуелсіздік жолында жанын қиған ерлердің ерлігі ұлықталып, Қайрат Рысқұлбековтің ел тарихындағы айрықша орны атап өтілді. Қатысушылар батырдың рухына бір минут үнсіздік жариялап, тәуелсіз елдің бүгінгі жетістіктері сол құрбандықтардың нәтижесі екеніне тоқталды.
Бұл шара жас ұрпаққа отансүйгіштік пен ел тәуелсіздігінің қадірін ұғындыруға бағытталған маңызды тағылымды іс-шаралардың бірі болды.
#Семей, #Абай облысы, #Желтоқсан көтерілісі, #Тәуелсіздік күні
