Нұрлан Назарханов: Референдум – ел болашағын айқындайтын маңызды қадам
Референдумда ауыл тұрғындары ел болашағына қатысты маңызды шешім қабылдау үшін дауыс беруге белсенді қатысуда. Солардың қатарында ауылдық округ әкімі, Желтоқсан оқиғасының батыры Нұрлан Назарханов та өз таңдауын жасап, азаматтық позициясын білдірді.
Нұрлан Назарханов референдумға қатысып, елдегі саяси науқанның маңыздылығын атап өтті. Оның айтуынша, мұндай маңызды қоғамдық-саяси шаралар әр азаматтың белсенді қатысуын талап етеді.
– Референдум – халықтың пікірін білдіретін маңызды демократиялық құрал. Сондықтан әр азамат өз таңдауын жасап, ел болашағына бейжай қарамауы керек, – деді Нұрлан Назарханов.
Ауылдық округте бүгін дауыс беру ұйымдасқан түрде өтіп жатыр. Таңертеңнен бастап тұрғындар сайлау учаскесіне келіп, өз таңдауларын жасауда. Әсіресе, ауыл ақсақалдары мен жастар белсенділік танытып, елдік мәселеге бейжай қарамайтындарын көрсетіп отыр.
Жалпы ауыл тұрғындары қоғамдық-саяси шараларға әрдайым белсенді қатысып келеді. Ауылда бірлік пен татулық берік қалыптасқан. Мұндай маңызды күндері тұрғындар өз азаматтық борышын орындап, ел болашағына жауапкершілікпен қарайтынын тағы бір мәрте дәлелдеді.
Айта кетейік, бүгінгі референдумда ел азаматтары өз таңдауын жасап, мемлекет үшін маңызды мәселелер бойынша дауыс беруде. Дауыс беру учаскелері күні бойы жұмыс істейді. Тұрғындар үшін қолайлы жағдай жасалған.
#Көкпекті ауданы, #Референдум, #Конституциялық реформа
