Ақсуат ауданында жаңа мәдениет үйі ашылды.
Ақсуат ауданы Жантікей ауылында мемлекеттік-жекешелік әріптестік аясында салынған жаңа мәдениет үйінің салтанатты ашылуы өтті,-деп хабарлайды abaidan.kz ақпараттық агенттігі Абай облысы әкімдігінің баспасөз қызметіне сілтеме жасап.
Ашылу салтанатында лентаны қию «Құрмет» орденінің иегері және ауданның «Құрметті азаматы» Айгүл Дәурбекқызына, сондай-ақ педагог Лиза Кәрімқызына берілді.
![](https://abaidan.kz/uploads/images/2024/06/2024-06-24/9fc65602c6c68cb733cd88a384aa25e7.webp)
Іс-шара барысында Сара Қажыкенова, Рая Алпысбекқызы және Гүлшайда Сәлімжанова Алғыс хаттармен марапатталды. Сонымен қатар, Сағади Құлжабаев «Еңбек ардагері» медалімен марапатталды.
![](https://abaidan.kz/uploads/images/2024/06/2024-06-24/5e9513954d84dac053ac0867f512f497.webp)
Жаңа мәдениет үйі заманауи және қажетті жабдықтармен жабдықталған. Ауданның мәдени өмірін дамыту үшін театр труппасын құру және әртістерді тарту жоспарлануда.
![](https://abaidan.kz/uploads/images/2024/06/2024-06-24/a74effb3fe463e76eb7aa700a0443d34.webp)