Абай ауданында тұрғын үй мәселесін шешу жұмыстары жалғасып жатыр
Абай ауданында тұрғын үйге қолжетімділікті арттыру бағытындағы жұмыстар жалғасуда. Аудан әкімі Мейіржан Смағұловтың мәліметінше, 2020 жылдан бері 208 тұрғын жаңа пәтердің кілтін алған. Өңірлік коммуникациялар қызметінде өткен брифингте аудан басшысы баспанаға мұқтаж жандардың мәселесі жүйелі түрде қаралып отырғанын атап өтті.
– Бүгінде тұрғын үй кезегінде 321 азамат тұр. Биыл олардың 43-іне жаңа пәтердің кілті беріледі деп жоспарланып отыр. Сонымен қатар, Қарауыл ауылындағы Мамай көшесінде бос тұрған 27 пәтерлі үш қабатты үйді қайта жаңғырту жұмыстары басталды, – деді Мейіржан Смағұлов.
