31 мамыр – Саяси қуғын-сүргін және ашаршылық құрбандарын еске алу күніне орай қалада тағылымды іс-шара ұйымдастырылды.
Шара аясында қатысушылар қоғам және мемлекет қайраткері Әлихан Бөкейханның ескерткішіне, сондай-ақ ғалым, жазушы Қайым Мұхамедхановтың ескерткішіне гүл шоқтарын қойып, олардың жарқын рухына тағзым етті.
Еске алу рәсіміне қала зиялылары, Желтоқсан оқиғасының ардагерлері, қоғамдық ұйым өкілдері мен қала тұрғындары қатысты. Жиналған қауым тоталитарлық жүйенің құрбаны болған азаматтарды бір минут үнсіздікпен еске алып, олардың ел тәуелсіздігі мен ұлт болашағы жолындағы күресін құрметпен атап өтті.
Мұндай шаралар өскелең ұрпақтың тарихи санасын қалыптастырып, елдік құндылықтарды дәріптеуге, тәуелсіздіктің қадірін терең түсінуге ықпал етеді.
