Қысқы өрттердің алдын алу: Бобровкада қауіпсіздік рейді өтті
Бүгін Бобровка саяжай аумағында ТЖД мамандары бірнеше ведомствомен бірлесіп, тұрғын үйлерді аралап шықты, -деп хабарлайды abaidan.kz ақпараттық агенттігі. Мақсат – қысқы маусымда жиілейтін тұрмыстық өрттердің алдын алу.
«Қауіпсіздік әр үйде!» және «Улы газдан сақ бол!» акциялары аясында жүргізілген рейд барысында мамандар пештердің тартуын, мұржалардың тазалығын, жылыту жабдықтарының жағдайын қарап, тұрғындарға қауіпсіздік талаптарын түсіндірді. Әр үйде кездесетін ортақ мәселелерді айтып, оларды қалай шешуге болатыны жөнінде кеңес берді.
Үйлерді аралау кезінде мамандар ерекше назар аударуды қажет ететін отбасыларды да айналып өтпеді. Сол үйлерде пеш пен мұржаның жағдайы мұқият тексеріліп, улы газдан қорғайтын датчиктер орнатылды. Қосымша қауіпсіздік шаралары жайлы жеке түсіндіру жасалды. Қызметкерлер мұндай алдын алу жұмыстары қыс бойы жалғасатынын айтып, тұрғындарды үйдегі жылыту құрылғыларына жауапкершілікпен қарауға шақырды.
Абай облысының тұрғындарына ескерту: қауіпсіздік ережелерін сақтап жүру — өз өміріңізді қорғаудың ең қарапайым әрі сенімді жолы.
#Семей, #пожар, #Абайская область, #ДЧС
