Мамырдың соңғы күндері жаңбырлы болады, үсік жүреді
Қазгидромет синоптиктері 28-30 мамыр аралығына арналған үш күндік ауа райы болжамын жариялады.
28 мамырда еліміздің солтүстігі мен шығысында қатты жаңбыр жауады, түнгі уақытта оның соңы дымқыл қарға айналуы мүмкін. Температура айтарлықтай жоғарыламайды.28 мамырда батыста, солтүстікте және орталықта, 29-30 мамырда шығыста түнгі уақытта 3 градусқа дейін үсік жүреді.
Еліміздің батысында ғана жоғары қысым өрісі жауын-шашынның тоқтауына және түнде де, күндіз де ауа температурасының біртіндеп көтерілуіне себепші болады.
