Өз аймағына қызметке 35 жас сарбаз аттанды
Абай облысының облыстық жиын пунктінде мерзімді қызмет өткеруге шақырылған әскерге шақырылушыларды шығарып салу салтанатты рәсімі өтті,-деп хабарлайды abaidan.kz Абай өңірлік гарнизонының баспасөз қызметіне сілтеме жасап.Жас толықтыру Семей қаласында орналасқан 30217 әскери бөлімінде мерзімді қызметтен өтеді.
Іс-шара жергілікті әскери басқару органдарының өкілдері мен әскерге шақырылушылардың туыстарының қатысуымен салтанатты түрде өтті. Жас жауынгерлерге өздерінің әскери борышын лайықты орындап, Отанының игілігі үшін абыроймен қызмет атқарулары тілелді.
Қазіргі уақытта қорғаныс саласындағы мемлекеттік саясатты іске асыру шеңберінде әскери қызмет өткеру үшін барынша қолайлы жағдайлар жасау жөнінде шаралар қабылдануда. Өз аймағында қызмет өткеруге мүмкіндік беру әскерге шақырылушылардың моральдық-психологиялық жағдайын нығайтуға және бейімделуіне ықпал етеді.
- Әскер - батылдық мектебі. Бұл Отанға адал қызмет етудің, жауапкершіліктің, тәртіп пен бірліктің үлгісі. Біз сіздерге сенеміз, - деді Абай облысы Қорғаныс істері департаменті бастығының орынбасары подполковник Қанат Шәріпханов.
Іс-шара соңында әскерге шақырылушыларға әскери борышын лайықты орындауға тілектер беріліп, естелік ретінде суретке түсті.
#Абайский региональный гарнизон, #солдат
