Семейде әскери шеруді тамашалауға 500-ге жуық адам жиналды
Астанадағы «Қазақ елі» алаңында Ұлы Жеңістің 80 жылдығына арналған Әскери шеруді тамашалау үшін семейліктер облыс орталығындағы Арбатқа келді.
Ардагерлер, облыстық мәслихат депутаттары, саяси партиялар, азаматтық қоғам өкілдері мен жастар, жалпы саны 500-ге жуық адам алаңқайға қойылған LED-экранның алдына жиналды.
Айта кетейік, Елордадағы Әскери парадқа Абай облысынан 16 адамнан құралған делегация қатысуда. Оның ішінде тыл және еңбек ардагерлері бар.
#Семей, #Абайская область, #80 лет Великой Победе
