«Таза Қазақстан» акциясы аясында «ADAL AS» компаниясының ұжымы сенбілік жасады
Әрбір ғимарат пен үйдің тазалығы іргесінен, ауласынан көрінеді. Қоршаған ортасы таза елдің жаны да таза. Осындай мысалдарға толы «тазалық» сөзінің мағынасы терең. Жеке тазалықтан бастап, қоғамдық тазалыққа дейінгі әрекеттердің барлығы адамның шынайы ниетімен жасалатын дүние.
Ұлттық өнімдер өндіретін «ADAL AS» компаниясы ұйымдастырған тазалық шарасына кондитерлік цех ұжымы белсене қатысып, жаңа цех жанын тазалап, жинады.
Естеріңізге сала кетсек, елімізде көктемнен бастап табиғатты аялау, қоршаған ортаны қорғауға бағытталған "Таза Қазақстан" жалпыұлттық экологиялық акциясы өтіп жатыр. Акцияның мақсаты-экологиялық мәдениетті қалыптастыру, "адал адам – адал еңбек – адал табыс" патриотизм құндылықтарын дәріптеу, сондай-ақ қоршаған ортаға ұқыпты қарау. Маңызды жоба жыл бойы жалғасады.
Елді бірлікке, тазалыққа насихаттайтын «Таза Қазақстан» акциясын өткізуге Мемлекет басшысы Қасым-Жомарт Тоқаев ресми түрде тапсырма берген болатын. Бұл шараның тазалықты насихаттап қана қоймай, ел-жұрттың басын біріктіруде рухани маңызы зор.
#Семей, #Абайская область, #Адал Ас
