Жаңа жылдан бастап шетелдіктер дактилоскопиялық тіркеуден өтуге міндетті болады
Шығарылуға жататын немесе реадмиссия тәртібімен қайтарылатын адамдар да дактилоскопиялық тіркеуден өтеді.2024 жылы 1 қаңтардан бастап шетелдіктер мен азаматтығы жоқ адамдарды (16 жасқа толған) дактилоскопиялық тіркеу келесі құжаттарды ресімдеу кезінде міндетті рәсім болады. Бұл туралы abaidan.kz тілшісі Informburo.kz сілтеме жасап хабарлайды
Дактилоскопиялық тіркеу:
Қазақстан Республикасында тұрақты тұруға рұқсат алу үшін;
Шетелдіктің Қазақстан Республикасында тұруға ықтиярхатын алу үшін;
Азаматтығы жоқ адамның куәлігін немесе оны қалпына келтіру, ауыстыру үшін;
Уақытша тұруға рұқсат алу үшін;
Қазақстан Республикасының визаларын алу үшін (Қазақстан Республикасының аумағында бастапқы алынатын және ұзартылатын);
Пана іздеген адамның куәлігін алу үшін;
Босқын куәлігін алу үшін;
Босқынның жол жүру құжатын алу үшін қажет.
Шығарылуға жататын немесе реадмиссия тәртібімен қайтарылатын адамдар (жасалған халықаралық келісімдерге сәйкес) да дактилоскопиялық тіркеуден өтеді.
Оқи отырыңыз: Енді жеке куәлік, паспорт берілгенде азаматтардан саусақ ізі алынады
Дактилоскопиялық тіркеуден өткен кезде шетелдіктерде немесе азаматтығы жоқ адамдарда жеке басын куәландыратын құжат, ол болмаған кезде растау қажет. ҚР Әкімшілік құқық бұзушылық туралы Кодексінің 443-1-бабына сәйкес міндетті дактилоскопиялық тіркеуден өтуден бас тартуы елдің шегінен әкімшілік жолмен шығарып жіберуге алып келеді. Дактилоскопиялық тіркеу көші-қон қызметінің бөлімшелерінде шетелдіктердің болу орны бойынша жүргізіледі.
