Биыл еліміз бойынша 8 наурыз - халықаралық әйелдер күніне орай бірыңғай челлендж бастау алды. Оған Абай облысынан 7000-ға жуық мектеп оқушысы қатысты,-деп хабарлайды abaidan.kz тілшісі облыстық білім басқармасының баспасөз қызметіне сілтеме жасап.
Оқушылармен бірге игі бастаманы қолдап мұғалімдер де ерекше тебіреніспен әнді орындағандарын байқауға болады. Хормен айтылған құттықтау видеолар Абай облысы білім басқармасының және мектептердің әлеуметтік желілеріне жарияланған. Ерекше құттықтау желі қолданушыларын да бей-жай қалдырмаған. "Керемет, өте әсерлі!", "Керемет! Рахмет!", "Биылғы ерекше ұйымдастырылған құттықтау! Қандай әдемі!” “Әр ананың көзіне жас ұялатты” - деп жазуда олар.
