Курчатов қаласы Полиция бөлімінің «102» арнасына жергілікті тұрғын хабарласып, полицейлерден көмек сұраған. Мән-жайды толық түсіндірген ер адам уақыт санаулы екенін ескерткен.
Оқиға орнына жедел жеткен тәртіп сақшылары жылқының іші суға толы терең құдыққа түсіп кеткенін көріп, мал иелерімен бірге құтқару операциясына кіріскен. Бірлесіп жұмылу нәтижесінде, шыңырауға түскен жылқы құтқарылып, иесіне табысталды.
