Қазақстан құрамасы шешуші матчын өткізу үшін Люблянаға ұшып барды
Футболдан Қазақстан ұлттық құрамасы Словенияға қарсы Еуро-2024 іріктеу кезеңіндегі маңызды әрі шешуші матчын өткізу үшін Словения астанасы Любляна қаласына ұшып барды, деп хабарлайды Zakon.kz сайтына сілтеме жасап, abaidan.kz тілшісі.
Қазақстан футбол федерациясы Instagram-дағы парақшасында команда ойыншыларының Люблянаға жеткен сәтінен суреттер жариялады.
Шешуші кездесу 20 қарашадан 21-іне қараған түні Астана уақытымен 01:45-те "Стожице" стадионында өтеді. Жеңіске жеткен жағдайда, ұлттық құрама өз тарихында алғаш рет футболдан Еуропа чемпионатына жолдама алады.
Мұның алдында Қазақстан құрамасы Сан-Марино командасын 3:1 есебімен ұтқан болатын. Словения алдыңғы кездесуде даниялықтардан 2:1 есебімен ұтылып, біздің құрамаға Еуропа чемпионатының жолдамасын сарапқа салуға мүмкіндік беріп отыр.
Сурет: instagram.com/kff_team
