Көкпекті ауданында 2023 жылы 77 бірлік техника сатып алынған
Көкпекті ауданында 2023 жылы ауыл шаруашылығы тауарын өндірушілер несиелік ұйымдар арқылы және өз қаражаттары есебінен 77 бірлік жаңа ауыл шаруашылығы техникасы мен технологиялық құрал-жабдықтарын сатып алды. Бұл трактор, комбайн, тиегіш пен тұқым себу жүйесі.
Мәселен, 29 бірлік өз қаражаты есебінен сатып алынса, 48 бірлік «ҚазАгроҚаржы» АҚ, «КомТрансЛизинг» ЖШС және «Өнеркәсіпті дамыту қоры» АҚ арқылы лизингке берілді.
Абай облысының Көкпекті ауданында барлығы 1601 ауыл шаруашылығы, жол-құрылысқа арналған және басқа да өздігінен жүретін техника тіркелген. Оның ішінде трактор – 1112 бірлік, комбайн – 134 бірлік, трактор тіркемесі – 287 бірлік, жол-құрылыс машинасы – 62 бірлік, қарда жүретін машина – 6 бірлік.
#Абай облысы, #Көкпекті ауданы
