Мәжіліс депутаты медицина қызметкерлерімен кездесті
Мәжіліс депутаты Нұртай Сабильянов Семейде облыстағы медицина қызметкерлерімен арнайы кездесу өткізді. Оған «ӘМСҚ» КЕАҚ Басқарма төрағасы Сәбит Ахметов, Абай облысы Денсаулық сақтау басқармасының басшысы Марат Сандыбаев, «Семей Медицина университеті» Ке АҚ Басқарма төрағасы – Ректор Алтай Дүсіпов қатысты.
Жиында медицина қызметкерлері жан басына шаққандағы қаржыландырудың төмендеуіне себеп болған халықтың орналасу коэффициентінің өзгергені туралы мәселе көтерді . Норматив тарифін көтеруді сұрады.
Бұдан басқа да медицина саласына қатысты көптеген мәселелер көтерілді. Сондай-ақ, медицина саласында бірқатар ережелерге өзгерістер енгізу, медицина қызметкерлеріне мәртебе беру туралы айтылды.
