Ауған соғысының жауынгерлеріне арналған ескерткішке гүл қою рәсімі өтті
Биыл Ауған жерінен Кеңес әскерлерінің шығарылғанына - 36 жыл. Осыған орай, Семей қаласында ауған соғысынан қаза тапқан жауынгерлерге арналған ескерткішке гүл қою рәсімі өтті.
Жиынға Абай облысының Ішкі Саясат басқармасының басшысы Айдар Садырбаев, «Шығыс» өңірлік қолбасшылығының қолбасшысы полковнигі Жеңіс Маралов, Қорғаныс істері департаментінің бастығы полковник Руслан Омаров, ардагерлер және қала тұрғындары қатысты.
Жиналғандар майдан даласында ерлікпен қаза тапқандарды бір минут үнсіздікпен еске алды.
Соғысқа 10 жыл ішінде 22 мыңнан астам қазақстандық қатысты, оның ішінде 500-ге жуық адам Семей қаласынан болды.
Бүгінде қаламызда 357 ауған соғысының ардагері бар. Сол бір отты жылдардың жарасы олардың жадында мәңгі сақталары сөзсіз.
ЕР ЕСІМІ – ЕЛ ЕСІНДЕ!
#Семей, #Абай облысы, #ескерткіш
