Семей қаласының әкімдігі Төтенше жағдайлар басқармасымен бірлесіп, тұрғындарға өрт қауіпсіздігі ережелерін түсіндіру жұмыстарын жүргізді. 2026–2027 жылдардағы жылыту маусымы басталғалы 400-ге жуық датчик орнатылды.
Жылыту маусымында жеке тұрғын үйлерде өрт қауіпсіздігі талаптарын сақтау аса маңызды. Өрттің алдын алу және иіс газынан уланудан сақтану үшін тұрғындар мына ережелерді ұстануы қажет:
• Мұржалар мен пеш құбырларын күйеден уақтылы тазалаңыз;
• Түтін датчиктерін орнатыңыз;
• Жанып тұрған пешті қараусыз қалдырмаңыз;
• Балалардың қауіпсіздігіне ерекше назар аударыңыз.
Мұржаларды уақтылы тазалау, түтін датчиктерін орнату және қауіпсіздік ережелерін сақтау өзіңіз бен жақындарыңыздың өмірін қорғауға, мүлікті өрттен сақтауға көмектеседі.
