Қазақстандық жеңіл атлеттер Универсиадада биіктікке секіруден финалға шықты
Қытайдың Чэнду қаласында өтіп жатқан ХХХІ Дүниежүзілік жазғы Универсиадада биіктікке секіруден қазақстандық спортшылар Надежда Дубовицкая мен Кристина Овчинникова финалға шықты, деп хабарлайды тілшісі abaidan.kz ҚазАқпаратқа сілтеме жасап .
Іріктеу жарысының қорытындысы бойынша үздік нәтиже көрсеткен 12 спортшы финалға шықты. Әр топта сынға түскен қазақстандық спортшылар Надежда Дубовицкая мен Кристина Овчинникова сәйкесінше 1,84 және 1,80 ұпай жинап, жарыстың финалдық кезеңіне жолдама алды.
Биіктікке секіру финалында барлығы 12 спортшы сынға түседі. Финал 6 тамызда Чэнду қаласындағы (Сычуань провинциясы, Қытай) «Шуанлю» стадионында Бейжің уақытымен 18:30-да басталады.
6 тамыз күнгі сағат 12:00 (жергілікті уақыт) бойынша Қазақстан медальдық есепте 19-шы орында. Қазақстан құрамасының қоржынында 19 медаль бар: екі алтын, жеті күміс және 10 қола. Қытай көш бастап тұр (141 медаль: 78 алтын, 33 күміс және 30 қола). Екінші орында Жапония (74:19-24-31), үшінші орында Оңтүстік Корея (50:17-15-18).
