Жергілікті тауар өндірушілерді қолдау мақсатында және "Семей қаласының күні" мерекесі аясында "Алакөл" демалыс аймағының жағалауында шілденің 12-13 – і күндері "Жергілікті тауар өндірушілердің көрме - жәрмеңкесі"өтті.
Көрме – жәрмеңкеге «АDAL AS» компаниясы қатысып, демалушылар назарына ұлттық өнімдер ұсынды. Солардың бірі келушілердің қызығушылығын тудырған компанияның жаңа өнімі – «АS TAL» болды. Алакөлде демалып жатқан жұртшылық ұлттық өнімдермен қатар, жаңа өнімнің дәмін татып, кейбірі бірден сатып алып жатты.
Естеріңізде болса, «АS TAL» - ешбір қоспасыз дайындалған пайдалы, табиғи өнім. Денсаулықты жақсартуға септігі мол. (Ағзаны тазарту, күш-қуат беру, қан қысымын реттеу, қанның құрамындағы қант мөлшерін төмендету, салмақ азайту т.б)
Өнімнің негізі -талқан.
Алматы технологиялық университеті Азық-түлік өнімдерінің сапа мен қауіпсіздігін бағалау ғылыми-зерттеу зертханасы мен «Alikhan Bokeikhan University» зертханасында зерттеуден өткен.
Көрме-жәрмеңке елден тыс жерлерде сұранысқа ие қаламызда өндірілетін тауарлармен танысуға, өлкеміздің мәдени мұрасы мен өзіндік ерекшелігін ашатын халық шығармашылығы бұйымдарын көрсетуге бағытталған.
