Абай облысының құрылысты бақылау мен қадағалау саласында 94 әкімшілік іс қозғалды
Салада жоспардан тыс 62 тексеру жүргізілді, оның шеңберінде әкімшілік құқық бұзушылық туралы 124 хаттама жасалып, 62 ұйғарым шығарылды. Жалпы сомасы 47,4 млн теңгеге 94 әкімшілік іс қозғалды, оның ішінде 30 іс әкімшілік сотқа жолданды. Бұл туралы өңірлік коммуникациялар қызметінде өткен баспасөз конференциясында Абай облысы бойынша бақылау басқармасының басшысы (МСҚБ, еңбек инспекциясы) Шыңғыс Аманжолов мәлімдеді,-деп хабарлайды abaidan.kz агенттігі. Спикердің айтуынша, сот жүйесінде 50 іс қаралған, 32 материал әлі қаралуда.
- Басқа мемлекеттік органдармен бірлесіп 30 тексеру жүргізілді. Жоғарыда көрсетілген тексерулер шеңберінде басқарма 2 ұйымның ("QazConstructions" ЖШС, "АлимСтрой" ЖШС, "ГрадСтройСервис" ЖШС соттың қарауында) құрылыс-монтаж жұмыстарына лицензиясынан айырылды, сондай-ақ 3 техникалық қадағалау аттестаттары тоқтатылды (Сальникова и. п., Мәметов және Сүлейманов Д. с.), - деп атап өтті Шыңғыс Аманжолов.
Сонымен қатар, басқарма тұрғындарды күмәнді жобаларға қатысудан қорғау мақсатында жаңадан салынып жатқан ғимараттардағы пәтерлерді сату туралы барлық хабарландыруларға мониторинг жүргізу бойынша жұмыс жүргізуде, сондай-ақ тұрғын үйдің үлестік құрылысына қойылатын негізгі талаптар бойынша түсіндіру жұмыстары (БАҚ, Басқарманың ресми сайтындағы интернет-ресурстар және т.б. арқылы) жүргізілуде.
- Талдау көрсеткендей, көп жағдайда құрылыс субъектілері салалық заңнаманы білмеу, жобалау ұйымдарының жобалық құжаттаманы сапасыз әзірлеуі, мердігерлік ұйымдардың құрылыс-монтаждау жұмыстарын сапасыз орындауы, техникалық және авторлық қадағалау тарапынан әлсіз бақылау салдарынан бұзушылықтарға жол береді , бұл сайып келгенде құрылыстағы заңнама мен мемлекеттік нормативтердің бұзылуына әкеледі, - деп қорытындылады басқарма басшысы.
#право, #Абайская область, #строительство
