Полиция қызметкерлерінің жекелеген санаттары кезектен тыс аттестаттаудан өтеді
2024 жылғы 31 желтоқсанға дейін ішкі істер органдары қызметкерлерінің жекелеген санаттары кезектен тыс аттестаттаудан өтеді. Президент Жарлығының жобасы ашық нормативтік-құқықтық актілер порталында жарияланды6-деп хабарлайды abaidan.kz тілшісі KAZINFORM сілтеме жасап.
Аттестаттауды өткізу үшін дене шынықтыру, атыс даярлығы бойынша нормативтерді тапсыру, Қазақстан Республикасының заңнамасын білуге компьютерлік тестілеу және логикалық ойлау қабілеті, IQ және басқарушылық құзыреті деңгейін анықтау, сондай-ақ әңгімелесуді өткізу кестелерін Ішкі істер министрі немесе оның орынбасарлары бекітеді.
Әңгімелесу қорытындысы бойынша тиісті аттестаттау комиссиясы мынадай шешімдердің бірін қабылдайды:
- атқаратын лауазымына сәйкес келеді және кадр резервіне қабылдау үшін немесе жоғары тұрған лауазымға жылжыту үшін ұсынылады;
- атқаратын лауазымына сәйкес келеді;
- атқаратын лауазымына сәйкес келмейді және лауазымын төмендетуге ұсынылады;
- атқаратын лауазымына сәйкес келмейді және басқа қызметке (лауазымға) ауысу ұсынылады;
- атқаратын лауазымына сәйкес келмейді және ішкі істер органдарынан босату ұсынылады.
Орталық аттестаттау комиссиясы төмендегі ішкі істер органдарының лауазым иелерін кезектен тыс аттестаттаудан өткізеді:
1. Өзіндік қауіпсіздік департаментінің, Қылмыстық-атқару жүйесі комитеті Өзіндік қауіпсіздік басқармасының, аумақтық полиция департаменттері, көліктегі полиция департаменті және қылмыстық-атқару жүйесі департаменттері өзіндік қауіпсіздік бөліністерінің орта, аға және жоғары басшы құрамының барлық лауазымдары;
2. Қылмыстық-атқару жүйесі комитетінің басқарма бастықтары, басқарма бастықтарының орынбасарлары, дербес бөлімдер бастықтары;
3. Аумақтық полиция департаменттері мен көліктегі полиция департаменті бастықтарының бірінші орынбасарлары мен орынбасарлары;
4. ІІМ-нің Байқоңыр қаласындағы өкілдігінің бастығы және бастығының орынбасарлары;
5. Қылмыстық - атқару жүйесінің аумақтық департаменттері бастықтарының орынбасарлары;
6. Аумақтық полиция департаменттері мен көліктегі полиция департаменті аппараты басқармаларының, дербес бөлімдері мен бөлімшелерінің бастықтары;
7. Қылмыстық-атқару жүйесінің аумақтық департаменттері аппараттары бөлімдерінің бастықтары;
8. Аумақтық полиция департаменттерінің полиция басқармалары мен бөлімдерінің, көліктегі полиция департаментінің желілік басқармалары мен полиция бөлімдерінің бастықтары;
9. Қылмыстық-атқару жүйесі мекемелерінің бастықтары;
10. Мамандандырылған күзет қызметі басқармасы (Астана қ.), дипломатиялық өкілдіктерді, үкіметтік мекемелерді күзету жөніндегі, облыстар мен қалалардың мамандандырылған күзет қызметі басқармаларының бастықтары;
11. Кинологиялық орталықтың, Автокөлікке қызмет көрсету мекемесінің, «Оңтүстік» және «Солтүстік» әскери және арнайы жабдықтау базаларының бастықтары.
Өңірлік аттестаттау комиссиясы төмендегі ішкі істер органдарының лауазым иелерін кезектен тыс аттестаттаудан өткізеді:
1. Аумақтық полиция департаменттері және көліктегі полиция департаменті аппараты басқарма бастықтарының орынбасарлары;
2. ІІМ Байқоңыр қаласындағы өкілдігінің бөлім және бөлімше бастықтары, бөлім бастықтарының орынбасарлары;
3. Мамандандырылған күзет қызметі басқармасы (Астана қ.), облыстық, қалалық, дипломатиялық өкілдіктерді және үкіметтік мекемелерді күзету жөніндегі мамандандырылған күзет қызметі басқармалары бастықтарының орынбасарлары;
4. Кинологиялық орталық, Автокөлікке қызмет көрсету басқармасы, «Оңтүстік» және «Солтүстік» әскери және арнайы жабдықтау базалары бастықтарының орынбасарлары;
5. Аумақтық полиция департаменттері және көліктегі полиция департаментінің қарамағындағы бөліністері басқармаларының, бөлімдерінің бастықтары және бастықтарының орынбасарлары;
6. Аумақтық полиция департаменттері және көліктегі полиция департаментінің полк, батальон және рота командирлері және орынбасарлары;
7. Аумақтық полиция департаменттерінің жылдам қимылдайтын арнайы жасақтарының командирлері және орынбасарлары;
8. Аумақтық полиция департаменттерінің арнайы мақсаттағы бөліністерінің командирлері және орынбасарлары;
9. Аумақтық қылмыстық-атқару жүйесі департаменттері аппаратының бөлім бастықтарының орынбасарлары, бөлімше бастықтары;
10. Аумақтық полиция департаменттерінің бөлім бастықтары және басқарма, көліктегі полиция департаментінің желілік басқарма және бөлім бастықтарының орынбасарлары;
11. Аумақтық қылмыстық-атқару жүйесі департаменттері пробация қызметтері бөлімдерінің бастықтары;
12. Көліктегі полиция департаменті желілік полиция бөлімшелерінің бастықтары;
13. Аумақтық полиция департаменттерінің полиция басқармаларының жанындағы полиция бөлімдерінің бастықтары және бастықтарының орынбасарлары;
14. Қылмыстық-атқару жүйесі мекемелері бастықтарының орынбасарлары;
15. Мамандандырылған күзет қызметі басқармасы (Астана қ.), облыстық, қалалық, дипломатиялық өкілдіктерді және үкіметтік мекемелерді күзету жөніндегі Мамандандырылған күзет қызметі басқармасының бөлім бастықтары;
16. Аумақтық полиция департаменттері және көліктегі полиция департаменті желілік полиция басқармаларының бөлім бастықтары;
17. Облыстық, қалалық, дипломатиялық өкілдіктерді және үкіметтік мекемелерді күзету жөніндегі Мамандандырылған күзет қызметі басқармасы батальондарының командирлері және командирлердің орынбасарлары, рота командирлері.
Жарлық жобасы 7 ақпанға дейін жария талқылауға шығарылып отыр.
