Көлік құрылысы мамандығына 700 грант бөлінеді
Үкімет қаулысымен "Көлік құрылысы" мамандығы былтырдан бастап "Құрылыс" факультеттерінде бөлек оқытылып жатыр. Өйткені жолшы мамандары тапшы. Ал елдің транспорттық-логистикалық әлеуетін көтеру - стратегиялық міндет. Осының мән-маңызын мектеп түлектеріне ұғындыру үшін Ұлттық сапа орталығы 18 өңірмен байланыс орнатты. Бас директор Болатбек Айтбаев 3 мың оқушымен онлайн форматта кәсіби бағыт- бағдар берді.
Түркістан өңірінің өзінен 250 жас өрен бұл дәріске қатысты. Көлік құрылысының қыр-сырын қай университеттерде меңгеруге болады? Талапкерлер қандай ұпаймен грантқа іліге алады? Студенттерге жол мекемелерінде іс-тәжірибеден қалай өтуге болады? Болашақ жолшыларға қандай мүмкіндік ашылады?
Болатбек Айтбаев оқушыларға елдің жол-көлік саласы жайында мол мағлұмат берді.
#Білім, #"Жол активтері сапасының ұлттық орталығы"
