Мемлекеттік қызметшілерге арналған екі күндік семинар-тренинг бастау алды
Абай облысының әкімдігі ҚР Президенті жанындағы Мемлекеттік басқару академиясымен бірлесіп, өңірдегі мемлекеттік қызметшілердің біліктілігін арттыруға бағытталған семинар-тренинг өткізіп жатыр,-деп хабарлайды abaidan.kz тілшісі өңірлік коммуникациялар қызметіне сілтеме жасап. Іс-шараға қала мен аудан әкімдіктерінің, облыс басқармаларының басшылары қатысуда. Оқудың негізгі мақсаты – мамандардың тиімді коммуникациялық дағдыларының деңгейін арттыру және тәжірибелік білім беру.
«Облыс әкімдігі түрлі салаларда біліктілік пен білімді арттыруға бағытталған семинар-тренингтерден тұратын жоспар әзірледі. Оларға жас және көп жылдық тәжірибесі бар қызметкерлер де қатысады. Заманауи мемлекеттік қызметшілер қоғамдағы өзгерістер мен қазіргі үрдістермен бірге дамуы тиіс», - деді облыс әкімі аппаратының басшысы Жасұлан Сәрсебаев.Семинар аясында жобалық басқару, жобаларды әзірлеу, мемлекеттік қызметтегі заманауи кейстер және т. б. тақырыптарды қарастыратын болады
