Адал Ас өнімдері Наурыз дастарқанында
Наурыз – қазақ халқының ең басты ұлттық мерекелерінің бірі. Бұл мейрам жаңа жылдың басталуын, көктемнің келуін, табиғаттың жаңаруын, ауылдың тіршілігінің қайта жандануын білдіреді. Наурыз айында дәстүрлі ұлттық дастарқанның орны ерекше. Бұл мереке кезінде қазақтар тек қана ас-су ішіп қоймай, бір-бірімен жүздесіп, бауырлас болып, рухани жақындасады.
Наурыз мейрамындағы ұлттық дастарқан
Наурыз мейрамында дастарқанның басты ерекшелігі – ұлттық тағамдар мен ырымдар. Қазақ халқында осы күнге арнап дайындалатын тағамдардың ішіндегі ең маңыздысы – наурыз көже.
Сондай-ақбасқа да ұлттық тағамдар кеңінен дайындалады. Олардың қатарында бауырсақ, жент, талқан т.б бар. Әрқайсысы өзінің ерекше дәмімен, дәстүрі мен тарихымен танымал.
«ADAL AS» компаниясында талқанның негізінде дәстүрлі жентпен қатар, балмен араластарылған жент, заманауи талаптарға сай шоколадтағы жент түрлері өндіріледі.
Компанияда шығарылатын өнімдер ішінде бауырсаққа деген сұраныс жоғары. Бүгінгі күні тұтынушылардың талғамына сай бауырсақтың алуан түрі жасалады. Дәстүрлі той бауырсақ, жол бауырсақ, ши бауырсақтармен қатар соңғы уақытта шай бауырсақ пен қойдың құйрық майынан жасалған бауырсақтар да дүкен сөрелерінен лайықты орын алды. Сыйлыққа да өте ыңғайлы.
Наурыздағы ұлттық дастарқан – қазақ халқының бай мәдениеті мен дәстүрін, ұлттық құндылықтарын көрсететін ерекше мереке. Бұл дастарқан тек қана тамақтану үшін емес, ол ұлттың рухани күшін, мәдениетін, бірлігін білдіреді. Наурыз мейрамы халқымыз үшін жаңарудың, ізгіліктің, татулықтың және молшылықтың белгісі.
