Астанада Тәжікстан тауарларының жәрмеңкесі өтіп жатыр
Астанада Тәжікстан Республикасының Соғды облысынан әкелінген ауылшаруашылық өнімдері мен қолөнер бұйымдарының жәрмеңкесі өтіп жатыр, деп хабарлайды "Адырна" ұлттық порталына сілтеме жасап, abaidan.kz агенттігі.
Көрмеге 1 мың тоннадан астам өнім қойылған. Оның ішінде жаңа піскен жеміс-жидек, көкөніс, кептірілген жемістер, жаңғақтар мен бақша дақылдары бар. Бұдан бөлек, келушілер дәстүрлі тәжік қолөнерінің бірегей бұйымдарын сатып ала алады.
Ұйымдастырушылардың айтуынша, іс-шараның басты мақсаты – шағын және орта бизнестегі мемлекетаралық ынтымақтастықты дамыту, екі ел арасындағы мәдени және экономикалық байланысты нығайту.
Жәрмеңке 16–17 тамыз күндері “Барыс Арена” мұз сарайының алдындағы алаңда өтеді.
