Қошқарды 3555 рет көтерген Арыс тұрғыны Қазақстан рекордтар кітабына енді
Түркістан облысы Арыс қаласының тұрғыны Азамат Мақұлбеков қошқар көтеруден жаңа рекорд орнатты. Ол 40 келі қошқарды 5 сағат 26 минутта 3555 рет көтеріп, ресми түрде Қазақстан рекордтар кітабына (КИнЭС) енді. Бұл туралы Түркістан облысы әкімдігінің баспасөз қызметі хабарлады.
37 жастағы Азамат Нұрғалиұлы құрылыс саласында қызмет етеді. Спорттың бірнеше түрімен айналысады. Қошқар көтеру сайысына қызығушылығы 2018 жылдан басталып, сол уақыттан бері шұғылданып келеді. Ол алдағы уақытта әлемдік деңгейдегі сайыстарда бақ сынауды жоспарлап отыр.
