Абай облысы «Juldyzai-24» XIX республикалық балалар шығармашылығы фестивалінде жүлделі орынға ие болды
Республикалық турнирде жеңімпаз атанған 29 бала Гала концертте өнер көрсетті—деп хабарлайды abaidan.kz ақпараттық агенттігі.
1-орын алған «Непоседы» вокалдық тобы мен «Сұлу саз» фольклорлық ансамблі халық дауысына ұсынылды. Нәтижесінде еліміз бойынша Абай облысы жүлделі үшінші орын иеленді.
![](https://abaidan.kz/uploads/images/2024/06/2024-06-03/7f7ca96a8275752d1720340b06b26b87.webp)
Бұған дейін өткен республикалық турнирде Вокал номинациясы бойынша №3 арнайы мектеп-интернатының «Непоседы» вокалдық тобы «Танцуй со мной» әнімен және Аспаптық орындау – ұжым номинациясы бойынша «Балбырауын» күйімен «Сұлу саз» фольклорлық ансамблі жүлделі І орындарға ие болды.
![](https://abaidan.kz/uploads/images/2024/06/2024-06-03/90c4e4f125d9d0b3538c2b91ee63c4c1.webp)
Вокал-соло номинациясы бойынша «Уақыт» әнімен №3 арнайы мектеп - интернаты оқушысы Даулет Сымағұлұлы ІІІ орын алса, Хореография – ұжым номинациясы бойынша Ерекше білім беру қажеттіліктері бар балаларды қолдау орталығы хореографиялық дуэті «Пеппи длинный чулок» биімен ІІ орын және №4 арнайы мектеп-интернатының «Аққу» студиясы «Қара жорға» биімен ІІІ орын қанжығалады.
![](https://abaidan.kz/uploads/images/2024/06/2024-06-03/d3e72fa744b91edfa42e4d2c148a8e29.webp)
Аспаптық орындау – соло номинациясы бойынша «Япурай» халық әнімен №3 арнайы мектеп-интернаты оқушысы Кәусар Тілекқызы ІІ орын иеленді.
![](https://abaidan.kz/uploads/images/2024/06/2024-06-03/767be029ff03f495d68e2ad10803af24.webp)
Жеңімпаздар Астана қаласында 1 маусымда қазақстандық эстрада жұлдыздарының қатысуымен үлкен сахнада Гала-концертке қатысып, ол «Хабар» телеарнасы мен «JULDYZAI» қорының YouTube әлеуметтік желісіндегі парақшасында көрсетілді.