Екпін ауылында жаңа мәдениет үйі ашылды
Ақсуат ауданының Екпін ауылында 150 орынға арналған жаңа мәдениет ошағы халық игілігіне берілді,-деп хабарлайды abaidan.kz.
Ашылу салтанатында аудан әкімі Асхат Смаилов өңірдің рухани-мәдени тіршілігіне әрдайым көңіл бөліп, қолдау беретіндігін атап өтті.
Ауыл жұртшылығы алдағы уақытта мәдени орын театр тарландарын, дәулескер күйшілер мен күміскөмей әншілер, мың бұралған бишілер және сазгерлерді өнердің ұлы сапарына жол тартатын, шығармашылықтың киелі қара шаңырағына айналады деп сенуде.
