29 қазан – Қазақстан Республикасында Жалпыұлттық аза тұту күні
29 қазан Қазақстан Республикасында жалпыұлттық аза тұту күні болып жарияланды, abaidan.kz тілшісі Ақордаға сілтеме жасап хабарлайды.
«Қарағанды облысындағы И.А. Костенко атындағы шахтада болған авария салдарынан адамдардың қаза болуына байланысты Қазақстан Республикасында 2023 жылғы 29 қазанда жалпыұлттық аза тұту жариялансын», - делінген Президент Қасым-Жомарт Тоқаевтың Өкімінде.
Бүгін күндіз Қасым-Жомарт Тоқаев Костенко шахтасындағы қайғылы оқиға салдарынан қаза тапқан кеншілердің отбасыларымен және туған-туыстарымен кездесуде 29 қазанды Жалпыұлттық аза тұту күні деп жариялайтынын айтқан болатын.
Еске салайық, бүгін түнде Қарағанды облысындағы Костенко атындағы шахтада өрт болды. Сағат 17.33-тегі мәлімет бойынша 33 кеншінің денесі табылды,13 адам іздестіріліп жатыр.
#өрт, #Қарағанды, #"АрселорМитталТеміртау" компаниясы
