Ауылдағы демократия: Әжелер тобы референдумда белсенді
Шалабай ауылдық округінің тұрғындары референдумда белсенділік танытып, сайлау учаскелеріне ағылуда. Арнайы назар аударуға тұрарлық жайт — Әжелер тобының қатысуы болды. Олар өз азаматтық ұстанымдарын көрсетіп, сайлау учаскесіне келді. Әжелер бұл маңызды сәтте елдің болашағына өз үлестерін қосып жатқанын айтады.
"Біз көп нәрсені көрдік, көпті бастан өткердік. Сондықтан әр дауыс маңызды. Бүгін өз таңдауымды жасап, еліміздің болашағына үлес қосқанымызға қуаныштымыз. Біздің дауысымыз маңызды, өйткені әрбір шешім – еліміздің дамуына әсер етеді. Біз ұрпақ үшін, өзіміз үшін келдік" – дейді олар.
Ауылдық округтегі сайлау учаскесі таңертеңнен бастап жұмыс істеуде. Референдумның әділ әрі ашық өтуі үшін барлық жағдайлар жасалған.
Шалабай тұрғындарының белсенділігі, әсіресе Әжелер тобының қатысуы, ауылдағы демократиялық процестің маңызды көрсеткіші болып отыр. Бұл оқиға ауыл тұрғындарының азаматтық жауапкершілігі мен елге деген сүйіспеншілігін айқын көрсетеді.
#Абай облысы, #Жарма ауданы, #Конституция, #Референдум
