Семей халқы алғаш рет өз әкімін сайлауда: тарихи сәттен бір көрініс
2025 жылдың 12 қазаны – семейліктер үшін ерекше әрі тарихи күн. Бүгін Семей қаласының тұрғындары алғаш рет өз қала әкімін тікелей дауыс беру арқылы сайлау науқанына қатысып отыр. Бұл – жергілікті өзін-өзі басқару мен демократиялық үдерістің дамуы жолындағы маңызды қадам.
Семей қаласы бойынша сайлаудың әділ және ашық өтуін қамтамасыз ету үшін барлығы 129 сайлау комиссиясы құрылған. Олардың ішінде:
- 1 аумақтық сайлау комиссиясы (АСК);
- 128 учаскелік сайлау комиссиясы (УСК).
Учаскелік комиссиялардың 110-ы – ашық учаскелер, ал 18-і – азаматтардың уақытша болатын жерлерінде орналасқан жабық учаскелер.
Комиссиялар құрамында жалпы 929 мүше бар:
- АСК құрамында – 7 мүше, олардың барлығы 100% тәжірибелі;
- УСК құрамында – 922 мүше, оның ішінде:
- 857 адам (92,9%) – тәжірибелі;
- 65 адам (7,04%) – алғаш рет сайлау процесіне қатысуда.
Семей қаласының жалпы халқы – 314 300 адам, ал 2025 жылғы 20 тамыздағы мәлімет бойынша сайлаушылар саны 220 761 адамды құрайды.
Ерекше назар мүмкіндігі шектеулі азаматтарға аударылып отыр. Қала бойынша 1 283 мүгедектігі бар адам дауыс беру кезінде арнайы жағдайларды қажет етеді. Оның ішінде:
- Арбамен жүретіндер – 475 адам;
- Көру қабілеті бойынша шектеуі бар – 420 адам;
- Есту қабілеті бойынша шектеуі бар – 388 адам.
Барлық сайлау учаскелері мүмкіндігі шектеулі жандар үшін қолжетімді:
- Пандустар орнатылған;
- Тактильді бағыттағыштар мен көрсеткіштер бар;
- Учаскелер 1-қабатта орналасқан;
- Барлығы «Қолжетімділік картасына» енгізілген.
2025 жылдың 23 қыркүйегінен бастап қала бойынша 128 сайлау учаскесі өз жұмысын бастады. Олар сайлаушыларға ақпарат беру, үгіт-насихат материалдарын тарату және дауыс беру процесіне дайындық жұмыстарын жүргізуде.
Семей қаласының тарихында алғаш рет ұйымдастырылып отырған әкім сайлауы – халықтың басқару ісіне тікелей араласуының жарқын көрінісі. Бұл бастама тұрғындардың саяси белсенділігін арттырып, қоғамда жауапкершілік пен сенімділік қағидаттарын нығайта түседі.
Халықтың еркі мен таңдауын білдіретін бұл күн – Семей үшін жаңа дәуірдің бастауы болмақ.
