Абай облысында қазақ күресінен республикалық чемпионаттың ашылу салтанаты өтті
Ауқымды спорттық іс-шараға еліміздің барлық өңірлерінен 400-ге жуық палуан қатысуда. Чемпионат жасөспірімдер мен ересектер арасында ұйымдастырылды.
Жарыс барысында әртүрлі салмақ дәрежелері бойынша үздік палуандар анықталып, қатысушылар өз шеберліктерін көрсетті.
- Турнир өте жоғарғы деңгейде өтіп жатыр. Бүгін спортшылар 8 салмақ дәрежесі бойынша күш сынасуда. Жалпы, елімізде спортқа, оның ішінде ұлттық спортқа ерекше көңіл бөлінуде. Барша қатысушыларға сәттілік тілеймін, ұйымдастырушыларға рахмет, - деп атап өтті Қазақ күресі ассоциациясының бас директоры Дамир Бекбосынов.
Жеңімпаздар мен жүлдегерлер құрмет грамоталарымен, кубоктармен, медальдармен, сондай-ақ бағалы сыйлықтармен және қаржылай сыйақылармен марапатталатын болады. Атаулы жарыс 3-6 тамыз аралығында жалғасады.
#Семей, #Абай облысы, #Спорт, #Ұлы Абайға 180 жыл
