Танысынан интимдік фото үшін миллион теңге бопсалаған
Абай облысының ПД ұйымдасқан қылмысқа қарсы күрес басқармасының қызметкерлері Семей тұрғынын ұстады. Ол шілде айының ортасынан бастап танысынан интимдік фотосуреттерді тарататамын деп қорқытып 1 млн теңге бопсалаған Бұл туралы abaidan.kz тілшісі Абай облысы ПД баспасөз қызметіне сілтеме жасап хабарлайды.
Тергеу әрекеттері барысында 150 000 теңге көлемінде ақшалай қаражат алынды. Күдіктінің әрекеттері ҚР ҚК 194-бабының 1-бөлігі "Бопсалау" бойынша сараланады, онда 4 жылға дейінгі мерзімге бас бостандығынан айыру түріндегі қылмыстық жаза көзделген.
