«Ауыл аманаты» мемлекеттік бағдарламасын іске асыру бойынша жиын өтті
ҚР Үкіметінің тапсырмасына сәйкес Шығыс Қазақстан облысында ауыл халқының кәсіпкерлік белсенділігін қолдауға және агроөнеркәсіптік кешенді дамытуға бағытталған «Ауыл аманаты» мемлекеттік бағдарламасын іске асыру жалғасуда.
Бағдарламаның негізгі міндеті ауыл тұрғындары үшін қолжетімді шағын несие беруді қамтамасыз ету, жаңа жұмыс орындарын құру, кооперацияны дамыту және ауылдық жерлерде өмір сүру деңгейін арттыру.
2025 жылға республикалық бюджеттен 3 миллиард теңге көлемінде қаржыландыру көзделген. 305 жобаны іске асыру және 305 жаңа жұмыс орнын құру жоспарлануда.
Қаржыландырудың басым бағыттары:
* Туризмді дамыту
* Ауыл шаруашылығы өнімдерін қайта өңдеу
* Ауыл шаруашылығы техникасы мен жабдықтарын сатып алу.
Ауыл тұрғындарының қажеттіліктерін ескере отырып, мал шаруашылығын дамытуды басым бағыттарға қосу ұсынылды, оның ішінде:
* Сүт-тауар фермаларын құру
* ІҚМ бордақылау жөніндегі жобаларды іске асыру
* құс шаруашылығын (жұмыртқа бағытында) дамыту
* Ұсақ мал өсіру (ұсақ мал).
#Ауылшаруашылық, #Ауыл Аманаты
