Семейде өткен тамыз кеңесінде кітапхана мәртебесін көтеру мәселесі талқыланды

Семейде өткен тамыз кеңесінде кітапхана мәртебесін көтеру мәселесі талқыланды

Абай облысында білім саласы қызметкерлерінің тамыз конференциясы өтті. Биыл кеңес республика көлемінде «Әділетті Қазақстан: сапалы білім, адал ұрпақ, табысты ұлт» тақырыбына арналды, деп хабарлайды abaidan.kz тілшісі ҚазАқпаратқа сілтеме жасап

бай өңірінде өткен іс-шараның ерекшелігі «Оқуға құштар ұлт» бағытына басымдық берілді. Облыстық тамыз конференциясы 500-ге жуық педагогтің басын қосты.

Оның ішінде еліміздің әр аймағынан 150-ден астам мектеп, колледж кітапханашылары арнайы келді.

photo

Іс-шара спикерлері ҚР Оқу-ағарту министрлігі мен ҚР Мәдениет және спорт министрлігінің өкілдері, танымал ақын-жазушылар, ғалымдар, республикамыздың педагогтар қауымдастығы, беделді баспа ұйымдарының басшылары болды.

Абай облысының әкімі Нұрлан Ұранхаев барша ұстаздар қауымын жаңа оқу жылымен құттықтап, ұшқыр ой мен терең сезімге баурап, тұтастай ұлтты тәрбиелейтін құнды жәдігер Кітапты бірге сақтауға, насихаттауға шақырды.

«Ұлы Абайдың «Пайда ойлама, ар ойла, Талап қыл артық білуге. Артық ғылым кітапта, Ерінбей оқып көруге» деген өнегелі өсиеті – бүгінде зор маңызға ие болып отыр. «Артық ғылымға» ұмтылып, кітаптың қадірін түсініп, құрметпен қарайтын, ойы озат, санасы азат ұрпақтың ғана алар асуы, бағындырар белесі биік болмақ. Осы орайда, оқушылар мен жастардың, көркем әдебиетке қызығушылығын арттыру мақсатында Мемлекет басшысы Қасым-Жомарт Кемелұлы Тоқаевтың тапсырмасына сәйкес, қазір барлық білім ошақтарында «Оқуға құштар ұлт» жобасы іске асып келеді», - деді аймақ басшысы.

 

photo

Бүгінде облыста білім беру саласында бірқатар оң өзгерістер жүзеге асты.

Мәселен, «Жайлы мектеп» жобасы аясында 11 жаңа мектеп ашылып, 36 мектептің оқу бөлмелері жаңартылады.

Сондай-ақ, бастауыш сынып оқушылары тегін ыстық тамақпен қамтамасыз етіледі.

Конференция аясында қатысушылар үшін мектепке дейінгі тәрбие және оқыту, орта, арнаулы, қосымша, техникалық, кәсіптік білім беру мекемелерінің көрмесі ұйымдастырылып, қала мен аудан жетістіктері таныстырылды.


#Семей, #Білім, #білім беру