15 тамызға дейін қандай декларация тапсыру қажет
Айлық, тоқсандық, жартыжылдық салықтық есептілікті тапсыру мерзімі 2023 жылғы 1 шілдеден 15 тамызға дейін жүреді. Сондықтан Мемлекеттік кірістер комитеті салық есебін тапсыруды кейінге қалдырмай, қазір жіберуге шақырды, деп хабарлайды Zakon.kz.
Мына салық есептілігін 2023 жылғы 15 тамыздан кешіктірмей тапсыру керек.
2023 жылғы маусым айы үшін:
- 400.00 "Акциз бойынша декларация";
- 421.00 "Құрылымдық бөлімше немесе салық салуға байланысты объектілер үшін акциз есебі".
2023 жылғы 2 тоқсан үшін:
- 101.03 "Резиденттің табысына төлем көзінен ұсталған корпоративтік табыс салығы бойынша есеп";
- 101.04 "Бейрезиденттің табысынан төлем көзінен ұсталатын корпоративтік табыс салығы бойынша есеп";
- 200.00 "Жеке табыс салығы және әлеуметтік салық бойынша декларация";
- 300.00 "Қосылған құн салығы бойынша декларация";
- 570.00 "Экспортқа рента салығы бойынша декларация";
- 590.00 "Пайдалы қазбаларды өндіру салығы бойынша декларация";
- 710.00 "Ойын бизнесі салығы бойынша декларация";
- 860.00 "Жер үсті көздерінің су ресурстарын пайдаланғаны үшін төлемақы бойынша декларация";
- 870.00 "Қоршаған ортаға теріс әсер еткені үшін төлемақы бойынша декларация";
- 913.00 "Бөлшек салықтың арнаулы салық режимін қолданатын салық төлеушілерге арналған декларация"
2023 жылғы 1 жартыжылдық үшін:
- 910.00 "Шағын бизнес субъектілері үшін оңайлатылған декларация".
Мерзімнің соңғы күндерінде жүктеменің өсуін болдырмау үшін салық есептілігін алдын-ала тапсырған жөн.
