"Уақыт тығыз": қазақстандықтар шілде айының соңына дейін қандай салықтарды төлеп үлгеруі керек?
Салықты төлеу және міндетті төлемдерді уақытында төлеу – Қазақстан азаматының міндеті. Сондай-ақ олардың көпшілігінің төлем мерзімі аяқталуда. Бұл туралы NUR.kz сілтеме жасап, abaidan.kz хабарлайды. Алматы қаласы бойынша Мемлекеттік кірістер департаментінің хабарлауынша, келесі салықтар мен әлеуметтік төлемдерді төлеу мерзімі 2024 жылдың 25 шілдесінде аяқталады: шілде айындағы корпоративтік табыс салығы (КТС) бойынша аванстық төлемдер; Маусым айында төленген кірістерден төлем көзінен ұсталған КТС және жеке табыс салығы (ЖТС); Маусым айында төленген табыстан ЖТС; Маусым айындағы БТЖ пайдалана отырып арнайы салық режимін қолданатын ЖК кірістерінен алынатын ЖТС; жер учаскелерін пайдаланғаны үшін төлем; радиожиілік спектрін пайдаланғаны үшін төлем; сыртқы жарнама төлемі; маусым айына арналған әлеуметтік салық; маусым айындағы бірыңғай төлем; маусымға міндетті зейнетақы жарналары (МЗЖ); маусымға міндетті кәсіптік зейнетақы жарналары (МКЗЖ); маусымға жұмыс берушінің міндетті зейнетақы жарналары (ЖМЗЖ); маусым айындағы әлеуметтік аударымдар; маусым айына МӘМС аударымдары; маусымға МӘМС жарналары.
