Абай облысында «Достық – 2023» байқауының жеңімпаздары марапатталды
Абай облысында «Достық – 2023» байқауының жеңімпаздары марапатталды,-деп хабарлайды abaidan.kz тілшісі Абай облысы әкімдігінің баспасөз қызметіне сілтеме жасап. Бұл аймақ басшылығының бастамасымен өткізіліп отырған алғашқы байқау. Марапаттау рәсіміне облыстың этномәдени бірлестіктері мен достық үйлерінің өкілдері қатысты. Абай облысы әкімі аппаратының басшысы Жасұлан Сәрсебаевтың айтуынша, этносаралық диалогты дамытуда өңірдің этномәдени орталықтары ерекше жұмыс жүргізуде.
«Құрметті жерлестер, мен кездесу үшін өте қуаныштымын. Өйткені этномәдени бірлестіктер мен достық үйлері жұмысының арқасында біз дәстүрлерімізді сақтап қана қоймай, оны дәріптейміз. Біздің облысымыз жас болса да, біздің дәстүрлеріміз ғасырлар бойы қалыптасып, халықтар достығы мен бірлігінің үлгісі болып табылатынын мақтан етеміз. Осы жұмыс үшін барлығыңызға алғыс білдіремін. Барлық игі жақсылықтарды тілеймін», - деді Жасұлан Сәрсебаев.Халықаралық «Қазақ тілі» ҚБ вице-президенті Орал Шәріпбаев Абай облысының әкімі Нұрлан Ұранхаевтың жан-жақты қолдауының арқасында Достық үйі ұлтаралық келісім идеяларын кезең-кезеңімен нығайтуды жалғастыратынын айтты.«Қатысушылардың әрқайсысы алған марапатына лайық. Бізде бейбітшілік пен келісімнің арқасында қанша ұлт тұрады. Қазақстанда, өздеріңіз білетіндей, 100-ден астам этностың өкілдері бейбіт өмір сүруде. Достық үйінде жұмыс істеу әрқашан бәрімізге үлкен серпін береді. Өңір басшысы Нұрлан Ұранхаевтың жұмысы мен назарының арқасында бұл жұмыс тоқтамайды, сондықтан мен оған ризашылығымды білдіргім келеді», - деп атап өтті Орал Шәріпбаев.
Абай облысы әкімі аппаратының басшысы Жасұлан Сәрсебаев этномәдени орталықтардың өкілдеріне дипломдар мен ақшалай сертификаттарды табыс етті. Марапатталғандардың қатарында Шағангүл Жанаева, Айман Бөкпасарова, Антонина Клиновицкая, Жалил Ахунжанов, Гүлжихан Жұматаева, Орал Шәріпбаев, Сұлтан Картоев және басқалар бар.
#Абай облысы, #марапат, #байқау
