Аягөз қаласында инфрақұрылымды жаңғырту және тұрғындарға қолайлы орта қалыптастыру мақсатында бірқатар көшелерде орташа жөндеу жүргізіледі.
Абай ауданының орталығы Қарауыл ауылында да жолдарды жаңарту жұмыстары кезең-кезеңімен жүргізіліп келеді. Мұнда екі көшенің 2,5 шақырымнан астам бөлігіне жөндеу жұмыстары басталды.
Айта кетейік, бұл жобалар «Ауыл – ел бесігі» бағдарламасы аясында іске асырылып жатыр. Аягөз және Абай аудандарындағы жол жөндеу жұмыстарына қаражат облыстық бюджеттен бөлінген.
