Интернет желісі қамтамасыз етілді
Соңғы жылдары теміржол Қазақстанның әлеуметтік-экономикалық дамуының тірек инфрақұрылымына айналды,-деп хабарлайды abaidan.kz тілшісі Абай облысы әкімдігінің баспасөз қызметіне сілтеме жасап. экспорттық және транзиттік әлеуетін дамыту үшін көптеген теміржол желілері салынды. Теміржол бойында жаңа станциялар салынып, қажетті әлеуметтік инфрақұрылымдар мен қалалар салынды, өнеркәсіп орындары пайда болып, дамыды. Жаңа желілердің енгізілуі өңірлер арасындағы ішкі байланысты қамтамасыз етіп, аймақтардың дамуына қуатты серпін берді. Теміржол желісі еліміздің барлық аймақтарын көлік артерияларымен байланыстырып, Қазақстан мен сыртқы әлем арасындағы көліктік байланыс пен тауар айналымын қамтамасыз етті. 2023 жылдың 20 желтоқсанында Аягөз қаласының маңында №22 разъезден бастап, салтанатты жағдайда АЯГӨЗ-БАҚТЫ теміржол желісінің құрылысын бастауға арналған рельстердің алғашқы торы салынды. Іс-шара аясында БАҚ өкілдеріне жоғары жылдамдықты интернетке қол жеткізуге мүмкіндік берілді. Абай облысының әкімдігі «Транстелеком» АҚ Семей қаласындағы филиалы – «Семейтранстелеком» компаниясына іс-шараның барлық қатысушылары үшін жалпыға ортақ Wi-Fi желісін ұйымдастырғаны үшін алғысын білдіреді, бұл заманауи коммуникацияларды дамыту мақсатындағы тағы бір маңызды қадам болды.
