Қазақстанның туы әлемде ең үздік деп танылды
Reddit платформасындағы Flags of the World Tournament онлайн-турнирі аяқталды. Нәтижесінде Қазақстанның туы әлемде ең үздік деп танылды. Бұл туралы abaidan.kz ақараттық агенттігі Stan.kz сілтеме жасап хабарлайды.
Турнирде 64 елдің туы жарысқа түскен. Аталған байқауда қолданушыларының басым бөлігі Қазақстан туына дауыс берген.
“Қазақстан – біздің чемпион! Баршаңыз дауыс беріп, бұл әлемдегі ең үздік ту деп шештіңіздер”, – делінген жарияланымда.
Шарт бойынша тулар дауыс беру нәтижесі арқылы келесі кезеңге өтіп отырды. Өтпегендері байқаудан шығып қалады. Алтыншы раундта, яғни финалда Қазақстан байрағы Кирибати рәмізінен басым түсіп, ең ұздік ту деп танылды.
Сондай-ақ Сейшель аралдарының, Ұлыбританияның, Бразилияның, Шри-Ланканың, Ямайканың және Папуа –Жаңа Гвинеяның тулары да жақсы дауыс жинап, соңғы раундтарға дейін жетті.
