Сол жағалауда Белсенді ұзақ өмір сүру орталығының бөлімшесі ашылды
Қала күнін мерекелеу аясында қаламыздың сол жағалауында қазыналы қарияларға қызмет көрсететін «Белсенді ұзақ өмір орталығының» тағы бір бөлімшесі ашылды. Бұл туралы 018.kz - ке сілтеме жасап, abaidan.kz ақпараттық агенттігі хабарлайды.
Белсенді өмір сүру орталығында қызмет алушылар емдік дене шынықтыру сабақтарын, медициналық қызметтер, еңбек терапиясы, тілдік курстардан өтіп, сондай-ақ, би, домбыра үйірмесіне, психологиялық тренингтерге қатыса алады. Сонымен қатар, скандинавиялық серуендеуге шығып, үстел ойындарын да ойнай алады. Бұл бөлімше аптасына 100-ден астам зейнеткерлік жастағы адамдарға қызмет көрсете алады.
Орталықтың негізгі мақсаты - зейнеткерлік жастағы адамдарды белсенді мәдени, шығармашылық, спорттық және іскерлік өмірге бейімдеу.
Орталықтың ашылу салтанатына Семей қаласы әкімі Нұрбол Нұрсағатов қатысты.
Айта кетейік, Белсенді ұзақ өмір орталығы қалада 5 филиалы жұмыс істейді: соның ішінде соңғы екі жылда 4 филиал ашылды.
