Димаш Құдайберген көшпенділер ойындарының ашылу салтанатында өнер көрсетті
Әлемге әйгілі әнші, отандасымыз Димаш Құдайберген елордада басталған V дүниежүзілік көшпенділер ойындарының ресми ашылуында ән айтты,-деп хабарлайды abaidan.kz агенттігі Қазақпаратқа сілтеме жасап. Салтанатты шарада Димаш Құдайберген «Киелі мекен» әнін орындады. Одан бөлек, халық әртісі Роза Рымбаева мен тағы бірқатар әртіс өнерлерін ортаға салды.
Фото: Солтан Жексенбеков/ Kazinform
Айта кетейік, 13-14 қыркүйек күндері Димаш Құдайберген Астанада екі күн қатарынан жеке концертін береді. Бірегей шоуды тамашалауға 50 елден көрермендер келеді деп күтіліп отыр.
22 шілдеде Димаш Құдайбергеннің Астанада өтетін STRANGER атты жеке концертіне билеттер сатылымға шықты.
Еске сала кетсек, тамызда Димаш Құдайберген қытайлық музыкалық шоуда «Алтын әуен» сыйлығын жеңіп алды.
Мемлекет басшысы V Дүниежүзілік көшпенділер ойындарының ашылу салтанатына қатысты.
#Спорт, #Димаш, #Дүниежүзілік көшпенділер ойындары
