Үржар ауданында су тасқыны кезеңіне дайындалуда
Қазіргі уақытта елді-мекендерден қар шығару жұмыстары жүргізілуде, бүгінгі күні 4404 куб. қар шығарылды. Жұмыстар жалғасуда, - деп хабарлайды abaidan.kz тілшісі Абай облысы әкімдігінің баспасөз қызмеьіне сілтеме жасап.
Бензин қоры - 13,7 тонна, дизельдік отын қоры - 24 тонна. Ауданда төтенше жағдай орын алған жағдайда 270 адам, 110 бірлік техника жұмылдырылады. Сонымен қатар, арнайы техникалардан жүру өтімділігі жоғары ГТТ-21А шынжыр табанды тягач, Нива МАРШ және аудандық төтенше жағдайлар бөлімінің теңгерімінде Газ-66 КУНГ көлігі дайын.
2024 жылғы көктемгі су тасқыны қаупі кезеңіндеде адамдар мен елді мекендердің қауіпсіздігін қамтамасыз ету бойынша шаралар ауданда жалғасын табуда. Бүгінгі күнде жағдай тұрақты.
Үржар метеостанциясының мәліметі бойынша бүгінгі күні жазықтықтағы қардың қалыңдығы 53 см, жер қыртысының қатуы 38 см құрайды. Таудағы қардың қалыңдығы 25 қаңтар 2024 жылғы мәлімет бойынша 1580 метр биіктікте 131 см, 820 метр биіктікте 82 см.
