"Күмәнді сілтемелер бойынша өтпеу": Бас прокуратура қазақстандықтарға үндеу жасады

Бас прокуратура елімізде ведомство басшылығының фотосы бар жалған аккаунттар мен хабарламалар көбейгенін мәлімдеді. Бұл туралы abaidan.kz агенттігі  KAZ.NUR.KZ сілтеме жасап хабарлайды. Ведомство ақпараты бойынша, мессенджерлерде прокуратура органдары басшылығының фотосуреттері бар жалған аккаунттар құру және алаяқтық әрекеттер белгілері бар хабарламалар жіберу жағдайлары жиілеп кетті. Осыған байланысты Бас прокуратура азаматтарды бейтаныс аккаунттарға сенбеуге және күмәнді сілтемелер бойынша өтпеуге шақырады. Ведомство өкілдері осыған ұқсас қоңыраулар немесе хабарламалар алған кезде мұндай деректер туралы құқық қорғау органдарына дереу хабарлауды сұрайды. 


#заң, #Бас прокуратура