Мұратбек Қабиденұлы Оспанов дүниеден өтті
«АБАЙ» журналының бас редакторы, Қазақстан Жазушылар одағының басқарма мүшесі, «ҚР Ақпарат саласының үздігі», көрнекті ақын Мұратбек Қабиденұлы Оспанов дүниеден өтті.
Мұратбек Оспанов - 1962 жылы 26 наурызда Шығыс Қазақстан облысы, Абай ауданының Қарауыл селосында туған. 1989 жылы Қазақ ұлттық университетінің журналистика факультетін тамамдаған.
1989 жылы Семей облыстық «Семей таңы» газетінде, 1990 — 1992 жж. «Лениншіл жас» (қазіргі «Жас Алаш») газетінің Шығыс облыстардағы меншікті тілшісі қызметін атқарған. 1992 жылдан «Абай» журналының жауапты хатшысы, 2003 жылдан бері сол журналдың Бас редакторы болып қызмет еткен.
abaidan.kz- ақпараттық агенттігінің редакциясы ақынның жақындары мен туыстарына қайғырып көңіл айтады.
