Нұртай Сабильянов Абай облысы тұрғындарымен кездесулерін Мақаншы ауылынан бастады
ҚР Парламенті Мәжілісінің депутаты Нұртай Сабильянов Абай облысы тұрғындарымен кездесулерін Мақаншы ауылынан бастады.
Ел Президенті Түркістан қаласында өткен Ұлттық Құрылтайда Мақаншы ауданын қалпына келтіру туралы шешім қабалдағанын айтқан болатын.
1997 жылы Семей облысының таратылуына байланысты Мақаншы ауданы жабылып, Үржар ауданына қосылған болатын. Енді жеке аудан ретінде жұмыс істеуіне барлық әлеуеті жеткілікті. Өңірде туризм, кен өндірісі, Қытаймен шекарадағы кеден бекеті арқылы сауда-саттық жақсы дамыған.
Кездесуден кейін Нұртай Сабильянов тұрғындарды жеке қабылдады.
